Г.В. Плеханов номидаги Россия иқтисодиёт университетининг Тошкент филиалида Илмий-услубий кенгашнинг навбатдаги йиғилиши бўлиб ўтди. Унда филиал кафедралари, бўлимлари ва таркибий бўлинмаларининг 2025–2026 ўқув йилидаги фаолияти якунлари сарҳисоб қилинди.
Йиғилиш давомида кафедралар, маъмурий бўлинмалар ва соҳавий бўлимлар раҳбарлари ҳисобот давридаги фаолият якунлари тўғрисидаги ҳисоботларни тақдим этдилар. Маърузачилар ўз чиқишларида таълим, илмий-тадқиқот, ўқув-услубий, тарбиявий ва ташкилий ишлар натижаларини ёритиб бердилар, шунингдек, муҳим лойиҳаларнинг амалга оширилиши ва эришилган кўрсаткичлар ҳақида маълумот бердилар.
Йиғилишда кафедралар стратегиясини ишлаб чиқиш, таълим жараёни сифатини ошириш, илмий фаолиятни ривожлантириш, замонавий таълим технологияларини жорий этиш, профессор-ўқитувчилар таркибининг мақолалар чоп этиш (публикация) фаоллигини ошириш, шунингдек, индустриал шериклар ва халқаро таълим ташкилотлари билан ҳамкорликни кенгайтириш масалаларига алоҳида эътибор қаратилди.
Илмий-услубий кенгаш аъзолари тақдим этилган ҳисоботларни муҳокама қилиб, бўлинмалар фаолияти натижаларига баҳо бердилар ва бўлажак ўқув йили учун устувор иш йўналишларини белгилаб олдилар. Йиғилиш якунлари бўйича филиалнинг таълим, илмий ва услубий фаолияти самарадорлигини янада оширишга қаратилган тавсиялар ишлаб чиқилди.
Илмий-услубий кенгаш йиғилишларининг ўтказилиши Г.В. Плеханов номидаги Россия иқтисодиёт университетининг Тошкент филиалида таълим сифатини бошқариш тизимининг муҳим қисми ҳисобланади. У университетнинг барча бўлинмалари фаолиятини мувофиқлаштиришга хизмат қилади ҳамда олий таълим муассасасининг таълим ва илмий муҳитини изчил ривожлантиришни таъминлайди
