Г.В. Плеханов номидаги Россия иқтисодиёт университетининг Тошкент филиали вакиллари «Kelajakka qadam» маркази томонидан Ўзбекистон Республикаси Олий таълим, фан ва инновациялар вазирлиги, Камбағалликни қисқартириш ва бандлик вазирлиги ҳамда Савдо-саноат палатаси билан ҳамкорликда ташкил этилган «TalabaExpo – 2026» касблар ва карьера имкониятлари кўргазмасида фаол иштирок этдилар.
Тадбир доирасида талабалар бўш иш ўринлари, стажировка дастурлари ва карьера имкониятлари ҳақида маълумот олиш, шунингдек, давлат ташкилотлари ва мамлакатнинг етакчи иш берувчилари вакиллари билан мулоқот қилиш имкониятига эга бўлдилар. Муваффақиятли карьера қуриш бўйича амалий тавсиялар ҳамда замонавий мутахассис учун зарур бўлган кўникмалар билан ўртоқлашган компания вакиллари билан учрашувлар талабаларда алоҳида қизиқиш уйғотди.
Кўргазмада иштирок этиш талабаларга профессионал алоқаларни кенгайтириш, иш берувчиларнинг талаблари тўғрисида фойдали маълумотларга эга бўлиш ва ўз карьераларини ривожлантиришнинг кейинги йўналишларини белгилаб олиш имконини берди. Бу каби тадбирлар таълим муассасалари ва иш берувчилар ўртасидаги ҳамкорликни мустаҳкамлашга хизмат қилиб, бўлажак битирувчиларнинг муваффақиятли ишга жойлашишлари учун қўшимча имкониятлар яратади.
