Г.В. Плеханов номидаги Россия иқтисодиёт университетанинг Тошкент филиали «Ҳуқуқий ва гуманитар фанлар» кафедраси 1-босқич талабалари иштирокида «Ўзбекистон Республикаси миллий қонунчилигида диний фаолиятни тартибга солувчи айрим норматив-ҳуқуқий ҳужжатларнинг моҳияти» мавзусида давра суҳбати ташкил этди.
Давра суҳбатининг 1 июнь – Халқаро болаларни ҳимоя қилиш кунида бўлиб ўтгани рамзий маънога эга. Виждон эркинлиги, миллатлараро тотувлик ва диний бағрикенгликни таъминлаш ҳар бир боланинг ҳуқуқлари ҳурмат қилинадиган хавфсиз ҳамда уйғун муҳитни яратишнинг муҳим шартидир. Ёшларда ҳуқуқий маданиятни, қонунга, маънавий қадриятларга ва ўзаро ҳурмат тамойилларига нисбатан ҳурмат ҳиссини шакллантириш масъулиятли фуқароларни тарбиялашга ҳамда жамиятда тинчлик ва барқарорликни мустаҳкамлашга хизмат қилади.
Тадбирни Иқтисодиёт ва бизнес факультети декани, PhD Азиз Юлдашев, «Ҳуқуқий ва гуманитар фанлар» кафедраси мудири, и.ф.номзоди, доцент Винера Габзалилова ва кафедра доценти Елена Архангельская очиб бердилар. Улар ўз чиқишларида Ўзбекистонда диний бағрикенглик, миллатлараро тотувлик ва ижтимоий барқарорликни мустаҳкамлашга қаратилган ислоҳотлар шароитида мазкур мавзунинг долзарблигини алоҳида таъкидладилар.
Давра суҳбати давомида талабалар диний соҳадаги давлат сиёсатининг устувор йўналишлари, диний ташкилотлар тўғрисидаги қонунчилик ҳамда дунёвий давлат тамойиллари ҳақида маъруза ва тақдимотлар билан чиқиш қилдилар.
Давра суҳбати якунида талабалар ўзларини қизиқтирган саволларни бердилар ва уларга батафсил ҳамда атрофлича жавоб олдилар. Тадбир ёшларнинг ҳуқуқий маданиятини юксалтириш, уларнинг миллий қонунчилик тўғрисидаги билимларини кенгайтириш ҳамда виждон эркинлиги ва диний бағрикенглик тамойилларига нисбатан ҳурмат муносабатини шакллантиришда муҳим майдон бўлиб хизмат қилди.
